चिखलीत जुने आयफोन मोबाईलचा सुळसुळाट! ना बिल, ना गॅरंटी – नेमके येतात कोठून?

📍 चिखली (लोक महाराष्ट्र न्यूज) —प्रशांत जैवाळ

शहरात गेल्या काही महिन्यांपासून जुने iPhone मोबाईल विक्रीचा सुळसुळाट वाढताना दिसत आहे. विशेष म्हणजे हे मोबाईल ना बिल, ना गॅरंटी अशा स्वरूपात खुलेआम विकले जात आहेत. बाजारपेठेत आणि ऑनलाइन प्लॅटफॉर्मवर “स्वस्त आयफोन”च्या जाहिराती मोठ्या प्रमाणात दिसू लागल्याने ग्राहकांची उत्सुकता वाढली असली, तरी त्यामागचं सत्य धोकादायक आहे.

सदर मोबाईल हे मुख्यतः मुंबई, पुणे, नागपूर, हैदराबाद या मोठ्या शहरांमधून किंवा ऑनलाईन सेकंड हँड मार्केटमधून येत असल्याची माहिती समोर आली आहे. काही व्यापारी हे मोबाईल “Refurbished” किंवा “Used iPhone” या नावाने विकतात. मात्र त्यांना कोणतंही बिल, वॉरंटी अथवा ऑथराइज्ड सर्टिफिकेट नसतं.

तज्ञांच्या मते, या मोबाईलपैकी काही फोन चोरीचे, परदेशातून आलेले (Customs न भरलेले) किंवा रिपेअर करून नव्यासारखे बनवलेले असू शकतात. त्यामुळे असे मोबाईल वापरणे हे कायदेशीरदृष्ट्या धोकादायक ठरू शकते.

🔍 तपासा अशा प्रकारे:

ग्राहकांनी मोबाईल खरेदीपूर्वी Settings > General > About मध्ये जाऊन “Model Number” आणि “IMEI” तपासावा. तसेच Apple च्या अधिकृत वेबसाइटवर IMEI नंबर टाकून गॅरंटी स्थिती पाहावी.