शेगाव |
आज संतश्रेष्ठ श्री गजानन महाराजांच्या प्रगट दिनानिमित्त शेगाव नगरीत भक्तीमय वातावरण निर्माण झाले आहे. या पावन दिनाचे औचित्य साधून श्री गजानन महाराज मंदिर परिसर आकर्षक फुलांनी सजविण्यात आला आहे. पहाटे काकड आरतीने कार्यक्रमास सुरुवात झाली असून “गण गण गणात बोते” या नामस्मरणाने संपूर्ण शेगाव नगरी भक्तिरसमय झाली आहे.
प्रगट दिनानिमित्त श्री गजानन महाराजांच्या चरणी दर्शनासाठी भाविकांची मोठी गर्दी होत आहे. अभिषेक, आरती, भजन-कीर्तन, प्रवचन तसेच महाप्रसादाचे आयोजन करण्यात आले आहे. संत गजानन महाराजांचे विचार, साधेपणा, सेवा व भक्तीचा मार्ग समाजासाठी प्रेरणादायी असल्याचे प्रवचनातून सांगण्यात येत आहे.
आजच्या या पावन दिवशी भाविक मोठ्या श्रद्धेने दर्शन घेत असून श्री गजानन महाराजांच्या कृपेने जीवनात सुख-शांती लाभावी, अशी भावना व्यक्त करत आहेत. प्रगट दिनानिमित्त सर्वत्र भक्ती, श्रद्धा आणि उत्साहाचे वातावरण दिसून येत आहे.
Loading ...