🔱 वाशिम जिल्ह्यातील मानोरा येथे महानंदीची भव्य स्थापना; हजारो शिवभक्तांची उपस्थिती..

वाशिम प्रतिनिधी, सुधीर ढगे

वाशिम जिल्ह्यातील मानोरा तालुक्यातील वसंतनगर येथे असलेल्या जगन्नाथ महाराज संस्थानच्या महादेव मंदिरात महानंदीची भव्य स्थापना करण्यात आली आहे.

या धार्मिक कार्यक्रमानिमित्त विविध पूजाविधी पार पडले असून होम-हवन, मंत्रोच्चार आणि महाआरतीचे आयोजन करण्यात आले होते. यावेळी ओंकारेश्वर येथील ज्योतिर्लिंग तसेच शिवर येथील पवित्र रुद्राक्ष शिवभक्तांना वाटप करण्यात आले.

सायंकाळी पाच वाजता महाप्रसादाचे आयोजन करण्यात आले होते. या महाप्रसादाचा हजारो भाविकांनी लाभ घेतला.

हा दोन दिवसीय धार्मिक सोहळा अत्यंत शांततेत आणि शिस्तबद्ध पद्धतीने पार पडल्याची माहिती आयोजकांकडून देण्यात आली.

या कार्यक्रमासाठी जगन्नाथ महाराज संस्थान तसेच जय भोले कावड मंडळ, वसंतनगर मानोरा यांच्या सदस्यांनी विशेष परिश्रम घेतले.