🚨 शिक्षकांच्या हक्कांसाठी प्रा. डॉ. संतोष भिसे मैदानात; अपक्ष उमेदवारीमुळे शिक्षक मतदारसंघात चर्चेला वेग!

मानोरा प्रतिनिधी : सुधीर ढगे

अकोला : शिक्षकांच्या विविध प्रश्नांना वाचा फोडण्यासाठी आणि त्यांच्या हक्कांसाठी प्रभावी नेतृत्व उभे करण्याच्या उद्देशाने अकोला येथील परिचित व्यक्तिमत्त्व प्रा. डॉ. संतोष भिसे यांनी शिक्षक मतदारसंघाच्या निवडणुकीत अपक्ष उमेदवारी दाखल केली आहे.

विदर्भातील विविध भागांत त्यांचा परिचय असल्याने त्यांच्या उमेदवारीची चर्चा सुरू आहे. बहुजन समाजासह ओबीसी, एससी आणि एसटी समाजातील विविध घटकांकडून त्यांना सहकार्य मिळत असल्याचा दावा त्यांच्या समर्थकांकडून केला जात आहे.

शिक्षकांच्या विविध समस्या, प्रलंबित मागण्या आणि हक्कांचे प्रश्न संबंधित सभागृहात प्रभावीपणे मांडण्याचा मुद्दा त्यांच्या उमेदवारीच्या केंद्रस्थानी असल्याचे सांगितले जात आहे. शिक्षकांच्या प्रश्नांना प्राधान्य देणारे नेतृत्व मिळावे, अशी अपेक्षा त्यांच्या समर्थकांकडून व्यक्त होत आहे.

दरम्यान, प्रा. डॉ. संतोष भिसे यांना प्रथम पसंतीचे मत देण्याबाबत काही शिक्षकांमध्ये चर्चा सुरू असल्याचे समर्थकांचे म्हणणे आहे. आगामी निवडणुकीत शिक्षक मतदारांचा प्रतिसाद कसा मिळतो, याकडे आता सर्वांचे लक्ष लागले आहे.

लोक महाराष्ट्र न्यूज — बातमी थेट जनतेच्या प्रश्नांची!