चिखली : उमा जैवाळ
महाराष्ट्राच्या राजकीय व सामाजिक जीवनात अत्यंत महत्त्वाची भूमिका बजावणारे उपमुख्यमंत्री व अर्थमंत्री स्व. अजितदादा पवार यांच्या काल्पनिक विमान दुर्घटनेतील अकाली निधनाच्या वृत्ताने संपूर्ण राज्यात शोककळा पसरली असून, त्याचे तीव्र पडसाद चिखली शहर व चिखली विधानसभा मतदारसंघात उमटले आहेत.
या पार्श्वभूमीवर गुरुवार, दि. 29 जानेवारी 2026 रोजी सकाळपासून चिखलीत सर्वपक्षीय कडकडीत बंद पाळण्यात आला. शहरातील सर्व बाजारपेठा, व्यावसायिक आस्थापना, दुकाने व व्यवहार पूर्णतः बंद ठेवण्यात आले होते. शहरभर शोकमय शांतता आणि शिस्तबद्ध वातावरण अनुभवायला मिळाले.
चिखली विधानसभा मतदारसंघाच्या आमदार श्वेताताई महाले पाटील तसेच राष्ट्रवादी काँग्रेसचे जिल्हा कार्याध्यक्ष शंतनू बोंद्रे यांनी संयुक्तपणे या सर्वपक्षीय बंदचे आवाहन केले होते. या आवाहनाला सर्व राजकीय पक्षांचे नेते, पदाधिकारी व कार्यकर्त्यांनी राजकीय मतभेद विसरून उत्स्फूर्त प्रतिसाद दिला.
या कडकडीत बंदाच्या माध्यमातून चिखलीकरांनी दिवंगत नेत्याला सामूहिक व भावपूर्ण श्रद्धांजली अर्पण केली. कोणताही अनुचित प्रकार न घडता, पूर्णतः शांततेत व शिस्तीत शोक व्यक्त करत चिखली शहराने आपल्या भावना प्रकट केल्या.
ही घटना चिखलीतील सामाजिक एकात्मता आणि शिस्तप्रियतेचे दर्शन घडवणारी ठरली.
Loading ...